ABLLS-R хаттамасына сәйкес әзірленген дидактикалық материалдар мен дамытушы оқу құралдары

Заманауи білім беру жүйесі толық және басқалармен бірдей білім алуы үшін ерекше білім беру қажеттіліктері бар балаларға айрықша назар аударуды талап етеді. ATTECH компаниясы да әрбір баланы жеке тәсілмен оқытудың маңыздылығын түсіне отырып, ABLLS-R хаттамасына сәйкес әзірленген бірегей дидактикалық материалдар мен дамытушы оқу құралдарын ұсынады. Бұл материалдар жақсы оқу мен әлеуметтік ортаға бейімделуге қажет барлық дағдыларды дамытуға бағытталған.

ABLLS-R хаттамасы дегеніміз не?

ABLLS-R (Assessment of Basic Language and Learning Skills-Revised) – ерекше білім беру қажеттіліктері бар балалармен, соның ішінде аутизмі бар және дамуында басқа да ақаулары бар балалармен жұмыс істеу кезінде қолданылатын кешенді бағалау және дағдыларды дамыту құралы. Хаттама қарым-қатынас, әлеуметтік байланыс, академиялық дағдылар, өз-өзіне жауапкершілік алу дағдылары сынды 25 салаға бөлінген 548 дағдыны қамтиды. ABLLS-R негізгі мақсаты – баланың қазіргі даму деңгейін бағалау және бойындағы жақсы дағдылары мен қабілеттерін жетілдіруге бағытталған индивидуалды білім беру бағдарламасын әзірлеу.

ATTECH дидактикалық материалдары мен дамытушы оқу құралдары

Біздің материалдар ABLLS-R хаттамасының талаптарына сәйкес жасалған және балалардың негізгі салалар бойынша дамуын қолдауға бағытталған. Біз балалардың негізгі тілдік дағдыларын, когнитивтік қабілеттерін, моторика дағдыларын және әлеуметтік өзара байланысын дамытуға көмектесетін көптеген оқу құрылдарын ұсына аламыз.

1. Тілдік және коммуникативтік материалдар: Біздің компания ұсынатын материалдар балалардың тіл байлығын дамытуға және өз ойын жеткізу қабілетін жақсартуға арналған суретті карталар, кітаптар мен ойындардан тұрады. Олар баланың сөздік қорын арттыруға, сөздерді анық түсінуіне және вербалды емес қарым-қатынас дағдыларын дамытуға көмектеседі.
2. Когнитивтік және академиялық дағдыларды дамыту: Біздің компания балаларға санау, оқу және жазу сияқты негізгі академиялық дағдыларды меңгеруге көмектесетін танымдық ойындар мен жаттығуларды ұсынады. Бұл оқу құралдары баланың жан-жақты дамуына ықпал ете отырып, ойлау, есте сақтау қабілеттерін жақсартады және зейінін ашады.
3. Өз-өзіне қызмет ету және өзіне деген жауапкершілік дағдылары: Өзі-өзіне қызмет ету дағдылары киіну, шомылу, тамақтану және басқа да күнделікті тапсырмаларды орындау бойынша практикалық жаттығуларды қамтиды. Бұл материалдар балаларға өз-өзіне деген жауапкершілікті сезінуге және өзіне сенімді болуға көмектеседі.
4. Сенсорлық ынталандыру және релаксация: Біз балаларға шамадан тыс сенсорлық жүктемені жеңуге және өзін-өзі реттеу дағдыларын дамытуға көмектесетін әртүрлі сенсорлық ынталандыру материалдарын ұсынамыз. Бұл санатқа ойыншықтар, әртүрлі текстурадағы заттар, аудиовизуалды ынталандырулар және т.б. жатады.

1. Екі тілде жазылған көмекші оқу құралдары: Біз оқу материалдарын қос тілде, яғни қазақ және орыс тілдерінде шығарамыз. Бұл біздің оқу құралдарымыздың бірегей артықшылығы болып саналады, өйткені барлық бала сапалы білімге қол жеткізуі керек.
2. Сапа және қауіпсіздік: Біздің барлық материалдар қауіпсіз және жоғары сапалы материалдардан жасалған. Әрбір оқу құралын мұқият таңдап, оның жоғары білім беру стандарттарына сәйкестігін тексереміз.
3. Индивидуалды тәсіл: Біздің материалдарымыз әр баланың қажеттіліктеріне сәйкес бейімделуге мүмкіндік береді, бұл ерекше қажеттіліктері бар балаларды оқытудың негізгі элементі болып табылады. Осының арқасында балалар өздерінің дамуы үшін қажетті қолдауды алады.

ATTECH компаниясы әрбір бала өзіндік ерекшеліктеріне қарамастан, сапалы білім алуға құқығы бар деп есептейді. ABLLS-R хаттамасына сәйкес әзірленген дидактикалық материалдарымыз мен дамытушы оқу құралдарымыз балалар өз әлеуетін ашып, жетістікке жете алатын инклюзивті білім беру ортасын құруға көмектеседі. Біз ерекше білім беру қажеттіліктері бар балалардың жан-жақты дамуына жағдай жасау үшін ата-аналарға, педагогтерге және мамандарға қолдау көрсетуге тырысамыз.